(Sa dihang gibombahan ang Sugbo)
Ug kalit lang nilanog
ang usa ka balikas
nga nahimong lilo taliwa sa sulog
Diha dayon, ang mga sanga
sa acacia namunga og tiil,
ang mga pito nawad-ag simod,
ang mga higante naunano
Ang kahilom gisundag pagsibaw
sa mga kalag nga gadungag orasyon
sa mga pangutanang nayamyam na
sa Mumbai, London, New York, Bali
Unsa, kinsa, ngano, asa
(Pananglit: Unsa man to? Kinsay hinungdan? Ngano man intawn?
Asa akong bukton, tiil, kumagko, kumingking, pikoy, ilong, pilok?)
Apan naputol ang mga litaniya sa dihang –
ilawom sa monumentong gatikay-ang sa rotunda,
taliwa sa aso ug abo, sa mga gabuy-od ug gahayang,
sa mga madreng way ulo, sa mga gakatag nga gihay,
sa mga confetting sagbot, sa mga banderitas nga galaylay –
usa ka anino ang nikisaw,
inanayng nitikang atubang sa bidlisiw
Usa ka bata!
Gakurog, way saplot, kulot,
ang panit daw gipa-anuosan
Sus ginoo, pulong pas erehes
It’s a mirakel, matod pas Tagalog
Holy smoke, sabat pas balikbayan
Coming through, ingon pas pedophile nga gakulintas og Nikon
Kadakong balita, bungat pas magtataho
Mag-ampo kita, duyog pas deboto
Apan koro pas uban: Kadiyot, mosulti ang bata!
Busa, naghulat silang tanan –
apil ang mga uwak nga nanunga morag namista,
apil ang mga kalimutaw nga niundang
sag pangita sa ilang mga luyak,
apil ang nangapungkol nga Timex,
mga text nga nibalik sa agi,
mga serbatong napangag –
sa kakulba-hinam,
kay mosulti na lagi ang bata,
kaha magdalag balaang tubag
niining mga pangutana
kabahin niining panghitabo
sa dili angayang mahitabo –
unsa, kinsa, ngano, asa
Tuod man ang tubag, di tubag, nibutho
isip duha ka silaba, mga kaluhang bomba
sa dughan, lahos sa tutunlan,
lahos sa linghod niyang wa-it:
mama
For Noel Sanchez Villaflor, journalism and literature have become inseparable in the 15 years he’s spent in Cebu’s newspaper industry. But it was his stint in the student publication that ushered him to the vibrant world of fiction and poetry, during which he became a fellow of the National Writers Workshop and the Cornelio Faigao Memorial Annual Writers Workshop. In 2000, he received an award from the National Commission for Culture & the Arts and the Cebuano Studies Center for a Cebuano poem, the first balak that he penned. At present, he is the editor of Sun.Star Weekend and is one of the country’s most respected sports columnists, according to the Cebu Journalism and Journalists annual magazine. He loves to travel.
Download
This work by Noel Villaflor is part of the Bisaya poetry compilation Skina Balak, which you can download as an e-book below:
Download the file format for your device below:
EPUB For Google Books in Android, iBooks in iPhones and iPad as well as other e-readers and e-reading apps. Download here.
MOBI for the Kindle e-reader or Kindle app. Download here.
